ياليل مأذكــــــــر فـــي حياتي تمنيت ... مثل ابتسامه تنتشل قلـــــب منصاب
مليت ورب البــــــــيت ياليـــل مليت ... من الجروح اللي تجـــيني بلا اسباب
تدري ياليل اني على الجرح غنيت ... غنيت دمعه والصــــدى ضم الاهداب
تبي الحقيقة والصراحة ترجـــــيت ... فرحة ولكن الزمن بالعــــــــطا خاب
ياليل قلــــــــي بدنيتي ويش سويت ... حتى الهمــــــوم بداخلي تفتح ابواب
ان كان طيبي عيب ومشكلتي اوفيت ... اموت صادق وارفض اعيش كذاب
طبعي كذا من ميـــــــزتي ماتخليت ... عندي مبادئ دونــــها ترخص ارقاب
بيني وبينك ياكــــــــــــــثر ماتعنيت ... اركض بغـــــــــرفة مغلقة مالها باب
غرفة وراها فرحـــتي دونها جيت ... اركانها عتـــــــــمة ولاحولي احباب
كاس الفراق المـــــر منة تقهويت ... انا اشهد ان الــــشوق بالليل غلاب
ياليل انا لا شفت ماعــــفت قفيت ... اقفي ولو خلـــــفي كثيرين الاصحاب
الا جروحي كل مارحـــت واقفيت ... جتني تحـــــــــمل صدتي لوم وعتاب
ماذكر ولو مرة بحيـــاتي تهنيت ... اضحك كذا والصدق عن شفتي غاب
صارت دموعي ضيف وعيوني البيت ... ودايم تشوف من المناديل ترحاب
لاشفت شمس الصبح لـ يديك حنيت ... وفي داخلك حبر القلم بالشقى ذاب
اسريك بحالتي واذا رحت ونيت ... مابي تروح ودمعتي بين الاهداب
اكتب شعوري في ظلامك على ايت ... ونورك ختم قصة عذابي على اب
يالليل قل للصبح اني تمنيت ... بس ابتسامه تنتشل قلب منصاب
ولكم مني اجمل تحية
![{{كأس الفراق]] Icon_minitime](https://2img.net/i/fa/icon_minitime.gif){kind=icon}
السبت مارس 08, 2008 11:57 am
