لساعة 10 الصبح قعدوا البنات فاطمة وعهود من النوم ونزلوا تحت عشان يتريقون, سمع محمد صوتهم , وقال في خاطرة انة لازم يعتذر من الغالية بنت عمي , فكر وفكر شلون يتخلص من اختة عشان يعتذر من فاطمة بس بعدين قال فطوم وايد دلوعة اكيد ما بتعطيني فرصة اعتذر منها , يعني لازم عهودو تساعدني,,,,
محمد واهو ينادي: عهودي
فطوم سيدة قعدت تعدل شيلتها لانة كانت طايحة على جتفها (مافيها شدة زفة غيرهههههههه)
عهود: هلا اخوي
محمد: عهودي تعالي شوي الحجرة
عهود: شتبي
محمد عصب: الحين قاعد اناديج من مساع تعالي تعالي وانتي حاقرتني, شلون احاجيج وانة من فوق
عهود: زين بخلص ريقي وبييك
محمد: تعالي الحين
عهود فهمت شيبي محمد وعرفت انة مب راقد من البارحة: الحين صابر طول الليل ما تقدر تصبر هالدقيقتين
محمد: عهودو لا تطولين
عهود: اوكي
فاطمة: شفية محمد معصب جذي
عهود واهي تبتسم: ما ادري
فاطمة: ما فيني شدة يزفني بتصل في ابوي خل يردني البيت
عهود: قعدي مكانج وكملي رييوقج " وابتسمت"
فاطمة: ..........
عهود: شفيج ساكتة
فاطمة: قومي روحي لمحمد جوفية شيبي, يمكن محتاج شي ومستحي يقول جدامي
عهود: لا تخافين اخوي واعرفة ما يستحي خخخخخخخ
فاطمة: عهودو قومي يمكن يبيج ضروري
عهود واهي قايمة: ويلييييييي , صج لي قالو الحب بلوة
فاطمة: شتخربطين
عهود واهي تصعد الدري: سلامتج
محمد واهو مستحي شوي: عهودي انتي تعرفين شبقولج
عهود بابتسامة: لا ما عرف
محمد: اففف, عهودو لا تطفشيني اكثر من جذي
عهود: قول شتبي
محمد: .......
عهود: تبي اقول لعهود انك ما كنت تقصد يوم تزفها وتبي اتاسف لها بدالك, احم احم.......لا تخاف اخوي انة تاسفت لها بدالك
محمد: لا يا عمري
عهود باستغراب: عيل
محمد: انة ابي اعتذر لها بنفسي لاني وايد زعلتها
عهود واهي شوي وبتستخف شلون محمد يتزل ويعتذر: شلون
محمد: شلون يعني روحي ناديها تيي غرفتي وبعتذر منها
عهود: اهاا, بس ما يصير تيي غرفتك شتبي امي تقول
محمد: زين عيل خل نروح غرفتج
عهود: انزين اقعد معاكم
محمد: ليش قالولج فاتحين قهوة ,انة كلهم كلمتين اللي بقولهم وبطلع, والله لو فطوم موب دلوعة جان ما اعتذرت لها
عهود: قصدك لو فطوم مب غالية وعزيزة......
محمد واهو يقاطها: انتي ليش فضولية
عهود: ........
محمد: يلا روحي ناديها
عهود: زين , واذا ما رضت تيي
محمد: انة ادري انها ما بترضى اهني دورج
عهود واهي طالعة من الحجرة: انزين
*قعدت عهود تقنع في بنت عمها عشان انها تروح الدار وتجوف محمد شيبي بس , بس فاطمة كانت ما ترضى او بالأحرى تبي تروح لكن خايفة , وظلت عهود تقنع فيها لين ما رضت تروح,,,,
فاطمة واهي تركب الدري: نروح ونجوف
عهود واهي تطالع فاطمة: انة بنت عمج وصديقتج ثقي فيني
ولما دخلت الغرفة الا محمد قاعد ينطرها , حست برعشة وخوف شوي , وكان يبين عليها, محمد واهو يبي يفتح الموضوع معاها بس مب عارف,,,
محمد: شلونج فطوم
فاطمة واهي منزلة راسها: بخير
محمد واهو يرفع راس بنت عمة: شفيج منزلة راسج انة اللي لازم انزل راسي وابوس يدج بعد لاني انة الغلطان مب انتي
فاطمة: .........
محمد: سامحيني........ بس ما اعرف معاج انتي غير ما احب ازعلج , لكن من اجوفج ازعلج ما ادري ليش
فاطمة بابتسامة: اي
محمد: والله اسف
فاطمة وعيونها تدمع: محمد انت كل مرة تزعلني واذا ما عندك شي تزعلني وتزفني فية تقعد تتمسخر علي
محمد: انة اسف وكاني اعتذر منج
فاطمة ودموعها نزلوا على خدها: بس خلاص لا تعتذر
محمد واهو حاط يدة على خد فاطمة ويمسح دموعها: ليش تبجين انة غلطان واعتذرت لج , واللي تبين بسوية
(اهني فاطمة زادت في البجي)
محمد: والله قطعتي قلبي شفيج , بعدج زعلانة علي
فاطمة واهي تحاول توقف بجي: لا
محمد: عيل شفيج
راحت فاطمة بتطلع من الغرفة بس محمد يودها من يدها وقال لها: شفيج والله ما اقدر على زعلج
فاطمة: .........
محمد: قولي عااد
فاطمة واهي تسحب يدها من يد محمد: ما فيني شي
محمد: يمكن هذي اول مرة اكون معاج فيها صريح واقولج اني احبج صدقيني احبج
اهني فاطمة زادت من البجي وطلعت من الغرفة بسرعة
محمد قعد يفكر بس اهو ما غلط على بنت عمة الحين بالعكس كان يعتذر منها , وقعد قول بينة وبين نفسة" يمكن انة زعلتها لما قلت لها احبج , واهي تعتبرني اخوها, اففف انة ليش ما سالتها عن رايها بالموضوع, صج انة قوطي,,, لكن فطوم تعرف اني احبها من زمان , بس اول مرة اعترف لها بهالشي, يمكن اهي تحب احد غير, لالالالا فطوم وانة اعرفها زين, افف انة ليش صرت غبي وقلت لها,,
وظل محمد يفكر ومب عارف شسالفة وخصوصا ان فاطمة راحت بيتهم , فكر انة يتصل فيها, بس شراح يقول لما يتصل,,
مر اسبوع ومحمد ما جاف فاطمة وكل ما سال عهود تقولة ما ادري , ما اعرف, تتهرب منة , محمد تعب واهو يفكر وتملل يبي يعرف شسالفة,,,
في بيت بنت عمة فاطمة,,,,,
ام فاطمة(مرت عمة): يا هلا فيج اختي تفضلي
ام موسى(اخت فاطمة):زاد فضلج
وقعدوا مع بعض ويسولفون سوالف الحريم فلانة وعلانة وتزوجت وتطلقت........ الخ ههههههههههه
ام موسى: طبعا انتي تعرفين يا خويتي انة ليش يايتج اليوم
ام فاطمة: اي اعرف قال لي بو فاطمة
ام موسى: ها شرايكم
ام فاطمة: والله الراي راي البنت ابوها
ام موسى: ما فهمت
ام فاطمة: الصراحة انة ما سالت البنت ولا اعرف رايها
ام موسى: أي احنا مسمينهم لبعض من يوم كانوا صغار وما يصير نفرقهم وهم كبار وخصوصا ان ولدي شاري فاطمة بنتج
ام فاطمة: ما يحتاي تقولين , وصدقيني انة وايد مستانسة
ام موسى: يلا عيل انة تاخرت بمشي الحين , لكن اذا سالتي فاطمة مب تنسين تتصلين فيني تطمنين
ام فاطمة: انشا الله تامرين امر يا الغالية
وراحت ام موسى,,
في غرفة فاطمة,,,
ام فاطمة: فطوم , فطوم تركي هالكمبيوتر عنج بحاجيج شوي
فاطمة: شنو
ام فاطمة: شفيج تكلمين من غير نفس جذي
فاطمة: لان ادري شنو الموضوع اللي تبين تقولينة
ام فاطمة: لا تقولين لي انج ما غيرتي رايج
فاطمة: اي ما غيرتة ولا راح اغيرة
ام فاطمة واهي تصارخ على بنتها: فطوم انتي ما تستحين, انة وابوج عطينا كلمة لاهل خالتج
فاطمة باستهزاء: محد قال لكم تعطون كلمة
ام فاطمة تنرفزت من طريقة بنتها ومدت يدها ولاول مرة على بنتها, وطلعت من الغرفة,,,,,,
ظلت فطوم تصيح وتتذكر طريقة امها وشلون كانت توحي انها لازم تتزوج ولد خالتها , بس فاطمة قلبها لواحد ثاني وما تبي ولد خالها,,,
الساعة عشر بالليل,,
خال فاطمة واهو عايش معاهم بنفس البيت: صج الكلام اللي سمعتة
فاطمة: أي كلام يبى
خال فاطمة: انج ما تبين ولد خالتج
فاطمة: اي يبى ما ابي اتزوج الحين
خال فاطمة: اهاا, وامج تقول انج ما تبين ولد خالتج, اتاريج تبين ناجل الخطوبة شوي
فاطمة وبقهر: اي
طلع خال فاطمة من الغرفة وظلت تبجي ومب عارفة شتسوي, اهي قالت لابوها جذي عشان تفتك من هالسالفة,,
فاطمة قررت تتصل في محمد ولد عمها وتقولة رغم انها ما صرحت لة بحبها ولا قالت لة انها تبادل الشعور,,
تررررن تررررررررن
محمد لما جاف رقم فاطمة بغى يطير من الفرحة: هلا والله
فاطمة واهي تصيح : هلا فيك
محمد: شفيج
فاطمة: ابيك في سالفة
محمد: الحين
فاطمة : اي ليش انت مشغول
محمد: افااا عليج حتى لو مشغول افضي روحي عشانج
فاطمة: محمد ابي اجوفك
محمد باستغراب: الحين
فاطمة: اي
محمد: فطوم عمري شفيج الحين الساعة 12
فاطمة: اي ادري
محمد: ........
فاطمة: شفيك ساكت ما تبي تجوفني
محمد: افاا, انة ما ابي اجوفج يا الغالية........ بس الحين الوقت وايد متاخر والله اخاف عليج تطلعين بروحج هالحزة
فاطمة: انت معاي
محمد: فاطمة قولي لي شفيج
فاطمة: تبي تجوفني ولا لا
محمد: ابي اجوفج
فاطمة: تعال مرني البيت
محمد: انشا الله عمري, الحين اييج
فاطمة: اوكي
محمد: يلا عيل باي
فاطمة وزادت من البجي: شنو باي تبي الفكة مني
محمد: يا حبيبتي شيفيج علي
فاطمة: ....
محمد: قولي لي
فاطمة: انة ما ببند الخط الا لين جفتك
محمد: على راحتج عمري
فاطمة: لا تقول جذي
محمد: شنو لا اقول
فاطمة: لا تقول عمري....... وصاحت
محمد: بس لا تصيحين اللي تامرين علية
وصل محمد عند بيت فاطمة,,,,,,
محمد: كاني وصلت حياتي
فاطمة: انزين ادخل
محمد: شنو ادخل
فاطمة: افففف, ادخل من المطبخ انة انطرك
محمد: انشا الله
فاطمة: لا تحاتي ابوي وامي راقدين والخدامة عطيتها جم ديناروقالت بتراقب الوضع
محمد: انة مب خايف ان عمي يجوفني, خايف عليج انتي
فاطمة: لا لا تخاف, تعال
اول ما دخل محمد المطبخ راحت فاطمة وقطت روحها في حضن محمد وقعدت تصيح من قلب, ومحمد يحاول يهديها, بس ما في فايدة اهي تزيد في البجي,,,,
محمد: شفيج
فاطمة: احبك
محمد: وانة بعد احبج مب بس احبج امووت فيج بعد
فاطمة: محمد توعدني انك ما تتخلى عني مهما صار
محمد: اكيد يا روحي
فاطمة علمتة سالفة ولد خالتها واهي تصيح , محمد تقطع قلبة , كان يبي يتصرف بس مب عارف شلون, ما كان يقدر يفكر كان بس يبي يهدا فاطمة عشان لا تصيح,,,
في اليوم الثاني قال محمد لامة وابوة انة يبي يخطب فاطمة, طبعا تعجبوا , محمد طلب من امة انها تروح تخطب لة بنت عمة اليوم,,,,,,
راحت ام محمد وخبرت ام فاطمة واهي استغربت وقالت لها الراي راي البنت والصراحة ما اظن انها توافق" اهي قالت جذي عشان يجبرون فاطمة تاخذ موسى"
مر اسبوع وفاطمة حايرة ومحمد اكثر,,,,,
محمد: هلا حياتي
فاطمة وصوتها تعبان من كثر البجي: هلا فيك
محمد: شفية صوتج
فاطمة: ما فية شي
محمد: خلاص عمري لا تحاتين اوعدج انج ما بتكونين لاحد غيري
فاطمة: يااريت
محمد: عمري فطوم تعرفين رقم ولد خالتج
فاطمة: لا.... ليش
محمد: انزين حبيبتي تقدرين تطلعين لي رقمة
فاطمة: ليش عااد
محمد: انة سالتج, قولي تقدرين ولا لا
فاطمة: دقايق واروح اطلعة من موبايل امي
محمد: فديتج والله
ليش محمد يبي رقم موسى؟؟
الأربعاء فبراير 27, 2008 10:39 pm
