المهم حصل محمد على رقم موسى وتفاهم معاة ع الموضوع, وموسى كان متفهم وااايد , ووعد محمد انة ما يقرب يم فاطمة. وبعد فترة خبر محمد امة ولما سالتة امة شفيك وليش ما تبي البنت........ووو, موسى ماكان يعرف يرد, وقال لها بس الله الساتر على عبادة لانة يبي يفتك من حنة امة.المهم امة دقت على ام فاطمة وخبرتها , بس ام فاطمة ما كانت تبي تسال ليش وما ليش ولا كانت تبي تكثر من الاسئلة عشان ما ترخص بنتها في عين ام موسى, واول ما درت فاطمة بالخبر استانست وااايد , بس ما كانت تدري باللي راح يصير لها.
الحريم كلهم كانوا عارفين ان موسى بياخذ فاطمة, بس لما ترك موسى فاطمة , قعدوا يسالون ليش ......ووو, وام موسى ترد بنفس اللي قال لها ولدها الله الساتر على عبادة, ومن بعدها صارت فاطمة حجوة في حلوج الناس , الكل يقول فيها وما فيها وطلع عليها كلام واااايد
المهم حصل محمد على رقم موسى وتفاهم معاة ع الموضوع, وموسى كان متفهم وااايد , ووعد محمد انة ما يقرب يم فاطمة. وبعد فترة خبر محمد امة ولما سالتة امة شفيك وليش ما تبي البنت........ووو, موسى ماكان يعرف يرد, وقال لها بس الله الساتر على عبادة لانة يبي يفتك من حنة امة.
الحريم كلهم كانوا عارفين ان موسى بياخذ فاطمة, بس لما ترك موسى فاطمة , قعدوا يسالون ليش ......ووو, وام موسى ترد بنفس اللي قال لها ولدها الله الساتر على عبادة, ومن بعدها صارت فاطمة حجوة في حلوج الناس , الكل يقول فيها وما فيها وطلع عليها كلام واااايد
وصل الكلام والاشاعات اللي طلعت عن فاطمة لمحمد, في البداية عصب وزعل, بعدين قال ليش ما يكون هالكلام صج, وقعد يفكر واهو محتار, شلون يطلع كل هالكلام على بنت عمة, قعد يقول في خاطرة , ليش ما يكون هالكلام صحيح اهي قدرت تدخلني بيتهم ليلة من الليالي يعني تقدر تدخل أي احد, وبعدين يقول, لا لا لا بنت عمي وانة ولد عمها من جذي دخلتني,,,,,,,,,
يعني الافكار كانت تودي وتييب في محمد , وقرر محمد انة يبعد عن بنت عمة فاطمة وينساها, وانة يمنع اختة عهود من انها ترافج فاطمة بعد الكلام اللي طلع عن فاطمة.
كان محمد دايما يتهرب من فاطمة, ويحاول انة ما يتذكرها وكان يبي ينساها , فاطمة كانت تدق على محمد,,,,
فاطمة: هلا حبيبي وينك من زمان ما سمعت صوتك ولا شفتك
محمد بكل برود: مشغول
فاطمة: افاا تنشغل عني
محمد: اقول لج انة الحين مشغول بعدين اكلمج
فاطمة: شفيك تكلمني جذي
محمد بعصبية: قلت لج اكلمج بعدين (وقطع الخط في ويها)
فاطمة زعلت وحطت في خاطرها, واتصلت على عهود, كانت متمللة وخاطرها تطلع توسع صدرها, بس عهود ما كانت ترد عليها , محمد كان محذرها انها ما تطلع مع فاطمة,,,,,
مرت الايام ومحمد دائما يتهرب من فاطمة, لين ما حست فاطمة انة محمد ما يبيها وحاولت تنساة وما تدق علية مرة ثانية, وعهود مثل الشي ما كانت تزور فاطمة, بعد ثلاث شهور وهم على هالحال اتصل عم فاطمة (ابو محمد ) يعزمهم على حفلة نجاح عهود, وكانت عهود عازمة كل صديقاتها واتصلت فيهم وحدة وحدة, لكنها ما اتصلت في فاطمة, وفاطمة ما عرفت بهالشي الا من عمها, حز في نفسها وقالت ما بتروح, لكن بعد فترة قررت تروح , لانة عمها لزم عليها,,
في الحفلة كانت فاطمة حلوة كانت حاطة مكياج خفيف وعليها العباية المطرزة تطريز بسيط وحلو, وشيلتها اللي فيها مثل تطريز العباية, كانت واقفة مع امها , لدرجة ان عهود ما نادتها تقعد معاها ومع الصديقات, طبعا عهود كانت خايفة ان محمد يجوفها, كانوا ربع عهود ينادون فاطمة تروح معاهم لكنها ما كانت تروح, لان لازم عهود تناديها, ولازم عهود تتصل فيها تعزمها, كانت فاطمة قاعدة واهي سارحة بمحمد وعينها تدمع, المهم كانوا صديقات عهود واللي اهم صديقات فاطمة يقعدون معاها شوي ويروحون, كانت فاطمة تبي تكلم محمد, بس مب عارفة شلون, كانت تتذكرة وتدمع عينها, راحت فاطمة تبي تقعد في زاوية بروحها شوي بعيد عن الفوضى, وما لقت الى انها تركب فوق الطابق الثاني, لاني تحت كان وااايد فوضى, قعدت بروحها سرحانة وتفكر ليش محمد وعهود يعاملونها جذي,,,,
تحت في الحفلة,,,
ام محمد: عهود يمى وين بنت عمج فطوم
عهود بدون اهتمام: ما ادري بها
ام محمد: محمد يمى, ما جفتك بنت عمك فطوم
محمد: لا ما جفتها سالي خالتي عنها
ام فاطمة: والله ما ادري وين راحت
محمد: الحين ترد
ام محمد: زين يمى محمد تعال بقول لك
محمد: هلا يمى
ام محمد: روح فوق تاكد ان الغرف مقفلة بالمفاتيح ما فينا شدة ننباق
محمد: ومن ببقونا كلهم ربعنا ونعرفهم
ام فاطمة: كل وحدة معاها سواقها واللي خدامتها روح يا وليدي تاكد
محمد: انشا الله
محمد ركب فوق وجاف بنت عمة سرحانة وتفكر ودمعتها على خدها , ما سوى لها سالفة وراح تاكد ان الغرف مقفلة, لكن لما بغى ينزل بس كسرت خاطرة بنت عمة , قرب يمها, وسالها: شفيج فطوم قاعدة اهني وتبجين
فاطمة واهي تمسح دموعها : ما فيني شي
محمد: متاكدة
فاطمة: ...... اي
محمد ما قدر يجوف الغالية بنت عمة زعلانة ويخليها وتذكر حبى لها, حاول يطنشها وينزل تحت بس حبة لها كان يمنعة, وقالها: شفيج يا بعد عمري
فاطمة وادت في البجي بس ما حبت تبين لمحمد: ....
محمد واهو يرفع راس بنت عمة: قولي لي شفيج ليش تبجين
فاطمة: وليش تسال ما اظن ان الموضوع يهمك
محمد: انتي بنت عمي , وعزيزة علي ........"تذكر كلام الناس" واعزج واحبج مثل اختي ( قالها وقلبة يتقطع من الالم)*ساعتها فاطمة قامت وراحت تغسل ويها, ومحمد نزل تحت, فاطمة قعدت بروحها تكمل بجيها, وتذكر كلام محمد واهو يقول احبج واعزج مثل اختي , ما تحملت فاطمة وطاحت على الارض واغمى عليها, بس محد التفت لها لانهم كانوا مشغولين بالحفلة
الأربعاء فبراير 27, 2008 10:41 pm
