السلامـ عليكمـ ورحمة الله وبركاته
حبايب قلبي لاتصدقون العنوان
قبل الزواج ..
العطر توصل ريحته لأخر الشارع ,, الولد كل أسبوع عند الحلاق
والبنت كل يوم ملطخه وجهها عند الكوافيره ومسمكره شعرها ..
في فترة الخطوبه ..
الخطيب يجي بهداياه كل يوم لخطيبته .. ومتزبط طبعاً
والخطيبه ماتسمع صوتها الا بكل رقه ونعومه وحنان
بعد الزواج ..
في أول شهرين يكون جوهم رومنسي
كل واحد مايبي فضايحه تطع بدري
بعد أول مولود ..
العطر ماتشم ريحته الا في المناسبات الرسميه .. [ عند الزوج والزوجه طبعاً ]
الزوجه كلها ريحة بصل وثو وكراث .. وصراخ على البزران ..
والزوج ماتسمع غير صراخه وماتشم غير ريحة عرقانه وثوبه كالعاده من بيتكسر من كثر الوصاخه اللى عالقه فيه
بعد كم سنه ..
النهايه زي العاده ياهوشه وبعدها طلاق .. ولا زوجه ثانيه
الرومنصيه غايبه .. والحال متردي
ما ادري هل هو نقص ثقافه من الزوجين !! أو هذي هي العاده المعترف فيها بين الازواج !!
تلاقي الزوج والزوجه مبسوطين في فترة الخطوبه وفي أول شهرين من الزواج ..
بعدها تسألهم يقولون لك العزوبيه أبرك !!
هذا الكلامـ ماني جايبه من راسي .. لكن هذا هو الواقع المر .. [ شاهي بدون سكر ]
كثير نسمع هذا الكلامـ .. سواء في برامج تلفزيونيه او في جرائد ومجلات أو في منتديات .. وحتي من أقاربنا وأصحابنا المتزوجين !!
الكلامـ هذا اكيد انه ماينطبق على جميع المتزوجين والمتزوجات
الخميس يونيو 19, 2008 4:41 pm
